ലോക്ക്ഡൗണ്‍ തീര്‍ന്നാലും ഇല്ലെങ്കിലും ഇനി കരുതണം ; മുഖ്യമന്ത്രി

സ്വന്തം ലേഖകന്‍

May 14, 2020 Thu 06:00 PM

കോവിഡ് വൈറസ് ബാധ പടര്‍ന്നു പിടിക്കാതിരിക്കാന്‍ ലോക്ക്ഡൗണ്‍ തീര്‍ന്നാലും ഇല്ലെങ്കിലും കരുതല്‍ തുടരണമെന്ന് മുഖ്യമന്ത്രി പിണറായി വിജയന്‍. മാസ്‌ക് ധരിക്കുന്നത് ശീലമാക്കണം ജനങ്ങളുടെ ജീവിതരീതിയില്‍ മാറ്റം വരുത്തണമെന്നും അദ്ദേഹം പറഞ്ഞു.



കോവിഡ് പെട്ടെന്ന് വിട്ടുപോകില്ലെന്ന് ലോകാരോഗ്യ സംഘടന പറഞ്ഞതായും മുഖ്യമന്ത്രി ഓര്‍മ്മിപ്പിച്ചു. കച്ചവടസ്ഥാപനങ്ങളും പൊതുഗതാഗത സംവിധാനവും തിരക്കില്ലാതെ തുടരാന്‍ ശ്രമിക്കണമെന്നും അദ്ദേഹം പറഞ്ഞു. വികാരമല്ല വിചാരമാണ് ഈ അവസരത്തില്‍ വേണ്ടെതെന്നും അദ്ദേഹം ഓര്‍മ്മിപ്പിച്ചു. ഇന്ന് കേരളത്തിലെ കോവിഡ് ബാധിതരുടെ എണ്ണം വളരെ കൂടുതലാണ്. 26 പേര്‍ക്ക് രോഗം സ്ഥിരീകരിച്ചിട്ടുണ്ട്. ഇതില്‍ ആരോഗ്യപ്രവര്‍ത്തകരും പോലീസുകാരും ഉള്‍പ്പെടും.



ഇന്ന് രോഗം സ്ഥിരീകരിച്ച 14 പേരും കേരളത്തിനു പുറത്തുനിന്ന് വന്നവരാണ്. 7 പേര്‍ ഗല്‍ഫ് രാജ്യങ്ങളില്‍ നിന്നും മറ്റുള്ളവര്‍ അന്യസംസ്ഥാനത്തുനിന്നും എത്തിയവരാണ്. 11 പേര്‍ക്ക് സമ്പര്‍ക്കത്തിലൂടെയാണ് രോഗം പകര്‍ന്നത്.  കാസര്‍ക്കോട് 10 പേര്‍ക്ക് മലപ്പുറം 5 പേര്‍ക്ക് പാലക്കാട് 3 പേര്‍ക്ക് വയനാട് 3 പേര്‍ക്ക് കണ്ണൂര്‍ 2 ആള്‍ക്കും പത്തനംതിട്ട , ഇടുക്കി , കോഴിക്കോട് എന്നിവിടങ്ങളില്‍ ഒരാള്‍ക്കുമാണ്  വൈറസ് ബാധിച്ചത്.







  • HASH TAGS