മുഖ്യമന്ത്രിയുടെ ഫേസ്ബുക്ക് പേജില്‍ അശ്ലീല വാക്കുകള്‍ എഴുതിയ യുവാവിനെതിരെ കേസെടുത്തു

സ്വ ലേ

May 13, 2020 Wed 03:04 PM

തിരുവനന്തപുരം: മുഖ്യമന്ത്രി പിണറായി വിജയന്റെ ഔദ്യോ​ഗിക ഫേസ്ബുക്ക് പേജില്‍ അശ്ലീല വാക്കുകള്‍ എഴുതി ചേര്‍ത്ത യുവാവിനെതിരെ കേസ്. കോഴിക്കോട് ബേപ്പൂര്‍ സ്വദേശി അസ്താബ് അന്‍വറി(26)നെതിരെയാണ് കേസ് രജിസ്റ്റര്‍ ചെയ്തിരിക്കുന്നത് . അബുദാബിയിലെ ഒരു സ്വകാര്യകമ്പനിയില്‍ എഞ്ചിനീയറായി ജോലി നോക്കിവരികയാണ് ഇയാൾ .



അശ്ലീലവാക്കുകള്‍ പോസ്റ്റ് ചെയ്തതിനെതിരെ തിരുവനന്തപുരം സ്വദേശി പൊലീസില്‍ പരാതി നല്‍കുകയായിരുന്നു.തിരുവനന്തപുരം സ്വദേശിയുടെ പരാതി കോഴിക്കോട് സിറ്റി പൊലീസ് മേധാവി എ.വി. ജോര്‍ജിന് കൈമാറി.  ചേവായൂര്‍ എസ്.ഐ. കെ. അനില്‍കുമാറിനാണ് അന്വേഷണച്ചുമതല. യുവാവിനെ നാട്ടിലെത്തിക്കാനുള്ള ശ്രമങ്ങള്‍ നടത്തുമെന്ന് പൊലീസ് അറിയിച്ചു.  

  • HASH TAGS
  • #pinarayivjayan
  • #facebook