മഴ ശക്തി പ്രാപിക്കും ; ആറ് ജില്ലകളില് റെഡ് അലര്ട്ട്
തിരുവനന്തപുരം: സംസ്ഥാനത്ത് അടുത്ത 24 മണിക്കൂറിനുള്ളില് കാലവര്ഷം ശക്തിപ്രാപിക്കുമെന്ന് കേന്ദ്ര കാലാവസ്ഥ നിരീക്ഷണകേന്ദ്രം അറിയിച്ചു. 18 മുതല് 20 വരെ വിവിധ ജില്ലകളില് റെഡ്, ഓറഞ്ച് അലര്ട്ടുകള് പ്രഖ്യാപിച്ചു.
18ന് ഇടുക്കി, മലപ്പുറം ജില്ലകളിലും 19ന് ഇടുക്കി, മലപ്പുറം, വയനാട്, കണ്ണൂരും, 20ന് ഇടുക്കി, എറണാകുളം, തൃശൂര്, മലപ്പുറം ജില്ലകളിലുമാണ് റെഡ് അലര്ട്ട് പ്രഖ്യാപിച്ചിരിക്കുന്നത്.17ന് ഇടുക്കി, 18ന് കോട്ടയം, 19ന് എറണാകുളം, പാലക്കാട് ജില്ലകളിലും 20ന് പാലക്കാട്, കോഴിക്കോട്, വയനാട്, കണ്ണൂര് ജില്ലകളിലുമാണ് ഓറഞ്ച് അലര്ട്ട്.